De sti ùltim dì chì, st'afa milanésa de Lui l'è abissina de boon.
St'umiditaa la fa senti' i gént tuc tachént come fùssen di lecaleca giamò sciusciaa: mi me soon mai lavaa i man inscì tant.
E mi adess hoo sentuu tanta de quela gént col frigor pién de ròba giamò còta, proonta per vess messciada sù a l'ùltim, per mangiala freda sénsa doe' sta' in sula stua a ciapa' cald.
Per anda' a laora' i Milanés hinn dré consciass come zoombi e tiren inans a sbissa' con pòca voeuia e pòc vestii, tucc masaraa e risciiaa, in gir con l'Atiemme. E ai fermaa paren di pess foeura d'aqua. E la salida vers el ciar che mi de sòlit foo de sottera in metrò, in sti dì chì la me disséda nò foeura.
Quanche tòrni indré a ca' con sto cald incoontri in gir al ciar on bel poo de turisti sénsa orisoont, con o sénsa valis, che se moeuven con fadiga come tartarug e paren de nò save' indoe 'nda'. Magara i sid che g'han in del cervel se desfen come miragg inquinaa.
Quanche gh'e' on cald insci' pòdi nò evita' de pensa' che i mur di ca' d'incoeu minga tan spess protégen i gént ma ie coeusen dénter come on prestin de matoon: aloora se pò nò fa' a mén de droa' on condissionadoor.
Sperem ch'el pioeuva o ch'el tira vént prest.
compéndi in milanés da wabesmemo
compéndi in milanés da wabesmemo
Nessun commento:
Posta un commento