Na bela vacansa in bassa Marema, cont on viagg in màchina cominciaa a Milan del dì de Feragoost, sòta on ciar d’aqua che l’ha sutaa almeen dò oor, con piògia e piovisna alternaa.
Con tutt i montagn che se surmontaven manman che se andava inans, pareva de vess in mess ai scenn d’on teater, e poeu gh’éra tan de quì terén coltivaa de tanti coloor diferént come ind’ona stòfa a quàder.
St’an, anca giò là, la vegetassioon l’è belìssima per tuta l’aqua vegnuda de tuti sti més.
Ma quanche te rìvet in Marema te s'en acòrget, ch'el panorama el cambia: terr inlagaa e bool pién de besti che cooren lìber e lagunn de aqua salmastra: boeu, cavai e pégor.
Prima nòt squas in Lazzio, purtròp passada in màchina visin al cimitéri de Capalbio: ma em vust quel che l'éra doma' a l'alba.
Prim dì in spiagia a Capalbio: on odoor mist de nafta, de saa e de erbi aromàtic, cont on mar gris ch'el buiva sòta on cél de nivoi goonfi e bianchìssim. Dré de nun, na pinéda bordada de "macchia mediterranea". El soo sbusava de spess tut quel bombas che gh'évom soora el cò.
Nessun commento:
Posta un commento